CARACAS, AFP.- Gino di 7 aña tabata spera nèrvioso pasobra e tin miedu di angua. Su mama Carmen tabatin alivio. E vakunashon di mucha i hóbennan kontra COVID-19 ta kanando na Venezuela mei mei di skeptisismo.

“Tin mamanan ku no ke”, asina Carmen Gardinella a bisa na AFP miéntras e tabata spera pa Gino haña su dósis di vakuna chinu Sinovac na Caracas, den un sukursal di un kadena priva di botika. “Nos tin miedu meskos ku tur otro mama pasobra ta algu nobo pero mas miedu ainda pa e mucha bira malu”, asina e abogado di 41 aña aki a sigui bisa.

E plan di vakunashon di menornan kontra COVID-19 ta kanando den e pais aki i ta parti den dos parti, e muchanan di 2 pa 11 aña ku a kuminsá haña nan vakuna e siman aki i anteriormente hóbennan di 12 Pa 17 aña ku ta hañando nan vakuna for di òktober pasá. E medida ta di akuerdo ku e regreso pa skol ku presensia despues di tabata suspendé pa un aña i mei debí na e pandemia.

Carmen, ku a pèrdè un tio debí na e Vírùs, a sa di e vakunashon di mucha pa medio di un mensahe ku a manda pa mayornan di e skol kaminda su subrino ta studia. “Mi a haña sa 10 minüt pasa i mi a bin rápidamente”.