MURAYA NA FRONTERA PA IMPEDI PASO DI EKSTREMISTANAN NA TURKIA

GAZIANTEP, TURKIA, AP.- Na sùit di Turkia, serka di e siudat Gaziante, ta konstruyendo un muraya ku blòkinan di semènt enorme pa seya un region kaminda míles di kombatiente ku ta uni Estado Islámiko na Siria a krusa. Turkia a bisa ku no ta permití e paso di kombatientenan di Estado Islámiko na Siria i ku ta hasiendo tur kos posibel pa evitá e tránsito ei.
Dokumentonan optené pa The Associated Press a indiká ku e 911 kilometer di frontera entre Turkia i Siria ta ekstremadamente poderoso i a fasilitá e ekspanshon di e organisashon ekstremista miéntras esaki tabata konstruí su kalifato.
AP a analisá 4.037 “dokumento di entrada” di kombatientenan di e grupo EI ku a krusa e frontera turko-sirio entre sèptèmber di 2013 i desèmber di 2014. Tres di kuater persona a drenta Siria via tres punto spesífiko.
E kombatientenan aki ta representá 25% i 405 di e total di reklutá estranhero di Estado Islámiko. E sifra ei, probablemente no ta ni representá e total di kombatiente ku a drenta Siria desde Turkia durante e periodo ei. Segun kalkulashonnan di CIA, EI tabatin entre 20.000 i 31.500 kombatiente na final di 2014, mitar di nan estranhero. E dokumentonan a keda filtra pa e portal di notisia opositor sirio Zaman al-Wasl, ku a keda suministrá na AP. Un atentado kontra e aeropuerto internashonal di Istanbul, kual a mata 44 persona dia 28 di yüni, e trese temor ku Turkia ta pagando e preis pa libertat di movementu ku e kombatientenan di grupo EI tin. Algun analista ta kalkulá ku EI a atentá kontra Turkia debí na e apoyo turko na e koalishon internashonal, enkabesá pa Merka. E koalishon ta kombatí EI.