WILLENSTAD.- Asosashon di Museonan di Kòrsou tambe lo partisipá na Siman di Kultura i Turismo 2017 di 24 sèptèmber te promé òktober awor. Diferente museo lo tin aktividatnan speshal i lo finalisá e kampaña di Karchi di Stèmpel pa bishitantenan gana un premio.

Kampaña Karchi di Stèmpel
Durante Siman di Kultura, Asosashon di Museonan di Kòrsou lo saka ganadornan di nan Kampaña Karchi di Stèmpel. A lansa e karchi di stèmpel durante Dia di Museo (18 - 21 mei) kaminda tur hende ku a bishitá mas di 8 museo, i tin 8 stèmpel riba nan karchi ta partisipá.

Tur bishitante ku a bishita 8 òf mas museo, lo risibí un regalo i lo rifa 8 premio masha speshal bou di karchinan entregá. E kampaña aki a wòrdu prolongá te ku fin de siman di kultura. Te dia 30 de sèptèmber por partisipá. Lugá di entrega di e karchi di Stèmpel ta na NAAM.

Premionan

Museonan mes a pone e premionan ku por gana disponibel. Bo mester imaginá bo premionan manera un ‘sneak-preview’ di Children’s Museum Curaçao djis promé ku nan apertura, un ‘tour den un museo den grupo’, un ‘guia’ masha speshal di un museo.E rifa lo ta dia promé òktober 2017.

Aktividatnan speshal pa Siman di Kultura

Banda di esaki, diferente Museo lo tin aktividat speshal den kuadro di siman di Kultura i e tema di e aña aki, 20 aña Unesco World Heritage. Algun museo ta establesé den monumento aki na Kòrsou por ehèmpel.

Programa:
24 sept- 1 okt  9.00 AM- 5.00 PM  NAAM: Eksposishon “Isla den Nos bida” habrí pa públiko

24 sept- 1 okt     9.00 AM- 5.00 PM  NAAM: Eksposishon “Miniatiura di Willemstad”
24 sèptèmber 7.00- 9.00 PM    NAAM: Charla World Heritage List
25- 30 sept  9.00 AM- 3.00 PM  Museo Tula: Guia den Museo & Eksplorá tereno lanthùis

25- 29 sept  9.00 AM- 3.00 PM    Museo Tula: pa skol: Weganan di ántes, eksplorá, pinta etc.

26 sèptèmber  9.00 & 10.00 am  Landhuis Bloemhof: Tour den mondi
26- 29 sept. 9.00 AM- 2.00 PM Landhuis Bloemhof: Eksposishon 50 aña Grupo Thalia
27 sept- 27 dec  8.30 AM- 4.30 PM  Museo di Kòrsou: Eksposishon “De Kluizenaar”
27 sèptèmber     7.00- 9.00 PM Landhuis Bloemhof: Foro habrí ‘Teater nobo den siudat?
27 sèptèmber     2.00 PM  Maritiem Museum Curaçao: Special Harbour Tour

28 sèptèmber     9.00 AM Landhuis Bloemhof: Tour den mondi

28 sèptèmber  4.00- 10.00 PM NAAM: Nochi di Museo ku kompetensia literario
29 sèptèmber 10.00- 12.00 AM Museo di Kòrsou: Guia den Museo, kura di estatua i SNIP

30 sèptèmber  2.00 pm Maritiem Museum Curaçao: Special Harbour Tour
30 sèptèmber 10.30- 12.30 AM Museo di Kòrsou: Workshop Blekero ku Boi de Palm

Mas informashon

Pa mas informashon bishita Facebook: ‘Museum Association of Curacao’  òf nos wèpsait www.diadimuseo.com

Asosashon di Museonan di Kòrsou ta konsistí di:
Het Curacaosch Museum, Mongui  Maduro Library and Museum, Children’s Museum Curaçao, Kura Hulanda Museum, Maritiem Museum, Museo di Tambú Shon Cola, Museo Tula, Museo Savonet, Jewish Cultural Historical Museum, Postmuseum, NAAM/ Isla den Nos Bida, Museo Ka’i Orgel, Kas di Pal’i Maishi, Museo Djogogo, Landhuis Bloemhof i Museo Aeronóutiko.