WILLEMSTAD.- Muchanan di Koro Angelitos preparando ku hopi entusiasmo pa nan show 2017,  titulá Musical Magical Festival. Nan lo presentá e show di kanto, baile i Magia.
Dia 2 di yüli atardi 5.00 - 7.30 den ouditorio di International School Lo tin un Song festival den kua kantantenan di Angelitos ta kompetí ku kansionnan ku nan mes a skirbi.
VoiceMail, ku ta e hóbennan di 10 te ku 16 aña lo kompetí den un otro kategoria, kantando kansionnan popular di artistanan konosí.
Muchanan chikiritu di 3 pa 5 aña lo presentá algun kansion edukativo i chistoso, pero nan lo no kompetí.
Huntu ku grupo di baile Krea Dansa i nos mago Tom Presti, e lo bira un espektákulo ku grandi i chikí por gosa di dje.
Karchi ta optenibel na Mensing's Caminata i serka tur miembro di Angelitos i VoiceMail.
Pa mas informashon òf pedido di karchi por manda un email na Ruthieangelitos@gmail.com  òf un whatsapp na number +5999-511-8160.