WILLEMSTAD.- Ayera nochi Asosashon di Músiko i Artistanan di Kòrsou a organisá e selebrashon di ‘Dia di Músiko 2017’ na Perfect Landing.
AMAK a hasi entrega di Pen di Mérito i tambe Premio Edgar Supriano.
Sra. Jeanette Croes, Yeyo Calderon i Carroll Senchi a risibí e ‘Pen di Mérito’, miéntras ku Premio Edgar Supriano a bai pa Chaika komo ‘Kantante Femenino di Urban’; Jaido a risibí su premio komo ‘Kantante Maskulino di Urban’; Randy Leroy a resultá e ‘Kantante Maskulino di Aña’; Lady Su (Surelma Miguel) a gana e premio komo ‘Kantante Femenino di Kòmbèk’ i Ivan Belfor a bai ku e premio di ‘Kantante Maskulino di Kòmbèk’ i alabes kantante di e ‘Kansion di Aña’, “Manera mi no tin Otro”.
Pa loke ta trata premio pa agrupashonnan musikal, e premio pa ‘Banda di Kòmbèk 2017’  a bai pa Forsa 2, ‘Banda di aña General’ a bai pa Gentz, ‘Entertainment Band di Aña’ a resultá: ‘509 The Edge’ i Grupo di Tambú di 2017 a resultá ‘Limania’.
Riba fotonan nos por apresiá algun momentu durante di e anochi di premiashon.