WILLEMSTAD.- Ayera tardi na Blue Bay a tuma lugá un evento kaminda 2 banda di músika ‘bibu’ a ‘showcase’ nan mes.Successeffect i Pure muse.ic entertainment a organisá e evento pa pone atenshon riba e género di Fushion Jazz, Neo Soul, Lounge i R&B entertainment.
Un tremendo show di kalidat haltu di músika a sòru pa e públiko presente a keda enkantá i impreshoná ku e presentashon.
E promotornan dje evento a keda sumamente agradesido na e spònsernan ku a kontribuí pa hasi e presentashon posibel.
E bandanan ku a keda introdusí ta: ‘Pure, The Tour’ i ‘PURE Muse.ic. Kada un ku nan spesialidat i ‘bon vibe’ pa ofresé na restorantnan i evento di negoshinan lokal.
Pa e kolaborashon entre success.effect i Pure Muse.ic Entertainment por spera hopi mas den futuro. Tene e página di facebook di ámbos: Succes-effect i/of Pure Muse.ic. pendiente.