ALBUQUERQUE, NEW MEXICO, AP.- Mayoria defensor di musulman i latino den Merka a uni forsa pa oponé na kambionan imponé, relashoná ku temanan di migrashon pa Presidente Donald Trump. Esaki a fortalesé un aliansa entre dos grupo miéntras nan ta enfrentá e posibilidat di restrikshonnan agresivo.

Den konferenshanan di prensa i aktonan masivo konhunto a lo largo di e pais, vários a manifestá kontra e dekreto aprobá pa Trump pa aselerá komienso di konstrukshon di un muraya na frontera sùit. Ta sperando pa Trump tuma medidanan pa no aseptá refugiadonan sirio, suspendé e programa di refugiadonan na frontera ku Merka durante 120 dia i suspendé emishon di visa di shete nashon dominá pa musulman na Afrika i Medio Oriente.

Miéntras Trump tabata firmando su promé dekretonan djárason, míles a firma un petishon na fabor di refugiadonan, inisiá pa gruponan evangéliko kristian. E musulmannan, inmigrante i su partidarionan a realisá marchanan di protesta di Siudat di New York i vários lugá mas.