WILLEMSTAD.- Myrena Sint Jago, bailarina, instruktor di baile i HathaYoga, koreógrafo (eksperensiá  ku skibimentu i  direktor di obra) ta duna lès di “Dance Fusion Class” (jazz,moderno, Afro Carribean, balèt) na esnan prinsipiante i mas avansá.

Myrena Sint Jago tin un variedat di eksperensia riba tereno di baile ( balèt, baile moderno, jazz, jazz-moderno, Afro-Karibense  etc.). El a  studia na Ulanda, Inglatera, Merka  i Cuba. El a risibí diferente beka i rekonosimentu pa studia na diferente instituto di baile, tambe na Alvin Alley American Dance Theater na New York.

El a haña un diploma pa Pedagogo di Baile na Scapino Akademia di Baile na Amsterdam, un  “Bachelor of Arts na Empire State College i un Maestria den Trabou Sosial na Fordham University na New York.

El a duna lès di baile na Merka i a balia internashonal ku diferente kompanianan di baile, koreógrafonan i diferente gruponan di teatro.Tambe el a duna lès pa 16 aña na “Integral Yoga Institute” na New York i diferente otro instituto di yoga.

Awendia Myrena  ta e direktor artístiko di Liberata Dance Theatre  ( LDT)na New York pa kual e ta skirbi obra. El a haña tambe diferente fondo di New York “Council for the Humanities”, the Lower Manhattan Cultural Council pa  por presentá su obranan.

E ta tambe fundador di Liberata Dance Theatre Curaçao Connection (LDTCC) na Kòrsou. Myrena, yu di Kòrsou,  ta biba na New York, pero e ta bin tur aña pa duna lès aki na Kòrsou. E ta hasiendo esaki  fo’i aña 1970; el a duna “workshop” i  lès i el a presentá ku diferente grupo di diferente edat. E ke duna bèk na Kòrsou su eksperensia  i loke el a siña durante tur e añanan.

Lèsnan ta tuma lugá 2 di sèptèmber 2017, na Kurá di Arte, Pietermaai ( St. Albertus College  bieu ) dilanti misa di Pietermaai. Lèsnan di baile pa prinsipiante ta di 9: 00’or pa 10:15’or a.m. Lèsnan di baile pa esnan avansá ta di 10:15 pa 11.45’or a.m. Lèsnan di Hatha Yoga di 11:45’or te 13:00’or a.m.

Tambe ta duna lès di baile na muchanan fo’i 6 aña tur djaluna di 5.30 – 6.30’or di atardi na Kurá di Arte Pietermaai. Pa inskripshon por tuma kontakto ku Sra. Trapenberg, na 522-0125. Pa mas informashon  por tuma kontakto ku Myrena Sint Jago na 522-7177,  òf via WhatsApp tel.+1917-324-9369.