ORANJESTAD.-Aruba a lanta ku un kaso di asesinato awe mainta. Informashon suministrá pa Kuerpo Polisial di Aruba ta indiká ku djabièrnè mainta pa mas o ménos 4:20 sentral di polis a haña informashon di un kaso di tiramentu ku a tuma lugá na un kas na Flamboyantstraat. A resultá ku ta trata di un hende muhé.

Na yegada di e patruya na e adrès nan a topa ku un hende benta abou den sala di kas i ku herida di bala den kabes. Dòkter Texier a konstatá morto pa 5:40 di S.R.C. Petronia nasi na Aruba di 20 aña di edat.

Departamento di recherche, polis tékniko i slachtofferhulp a yega mes ora pa hasi investigashon i atendé ku e famia. E ta kaso ta bou di investigashon asina polis ta informa.