KRALENDIJK — Ministerio
Públiko BES djarason a hiba
un kaso den Korte ku a trata
matamentu di lora ku un arma
di kandela dia 7 di mart 2016.
Ministerio Públiko a hasi esaki
entre otro pa hasi siudadanonan
di Boneiru konsiente ku lora ta
un animal protehá
mundialmente.
Kódigo Penal ta duna den
kaso di mata lora e posibilidat
pa un kastigu di prison. Den e
kaso spesífiko aki Ministerio
Públiko BES no a hasi demanda
pa un kastigu di prison, pero
no ta ekskluí ku por bai hasi
esaki den kasonan den futuro.
E kaso di awe mientrastantu
kontra e sospechoso a keda
wantá, pendiente pa un rapòrt
di STINAPA.