WILLEMSTAD/ORANJESTAD.– Direktiva di AMAK siman pasa a tuma nota di fayesimentu di Sr. Juan Chabaya Lampe, mihó konosí komo Padú del Caribe  na e edat di 99 aña. Padú del Caribe den Antia Ulandes tabata un dje músikonan  grandi ku e pais ei a konosé.
Su vários kreashonnan ku a duna un aporte no solamente na musika di Aruba, pero tambe na Kòrsou i Boneiru, ta un muestra ku na nivel kultural, sigur e Islanan ABC tabata hopi ku otro.
Un dje kansionnan ku Padú del Caribe a yega di skibi i te hasta kanta ta “Abo So”, kual  ta un kansion ku te ku e dia di awe, pero sigur den futuro lo keda zona pa eternidat.
Direktiva di AMAK, lamentablemente no por ta presente na okashon di rindimentu di último despedida di e gran músiko Antiano aki. For di aki nos kier a manda palabranan di kondolensia  na famianan di e gran músiko aki, pero tambe na su koleganan músiko di Aruba i pueblo di Aruba, ku a pèrdè un gran músiko.
Padú, sosegá na pas