WILLEMSTAD.-  SOAB huntu ku Marnix College VSBO ta organisá riba djaluna 17 Febrüari 2020 su Jump In tradishonal.  E Jump In ta start 8’or di anochi i ta kaba 12’or di anochi.
E tema e aña aki ta: “Nanishi kòrá, kabei kua koló ku ta. Rarara, Payaso bo ta?”.
E evento ta tuma lugá na Kura di Arte na Pietermaai i músika ta na enkargo di ERA, GENTZ i Dj Bradley. Rei /Reina di Tumba 2020 tambe lo ta presente pa deleitá nos ku su tumba ganadó.
Karchi di entrada ta kosta 70 florin (ta inkluí asesorio, 5 bebida i 2 snèk).
Karchinan ta optenibel for di djaluna 27 Yanüari próksimo na bali di SOAB durantedi siman di 08:00 – 17:00 i tambe serka alumnonan di Marnix College. Esaki te kaminda tin na stòk! Pa mas informashon por yama na 466-9000.