WILLEMSTAD.- Dilanti di un públiko selektá, Naomi Silvanie djasabra anochi a presentá su mas resien produkshon musikal titulá ‘Joy # Dushi Feeling’. E evento ku a tuma lugá na Papagayo Beach Club na Jan Thiel tabata bon animá. E públiko ku a presensiá e evento a gosa dje presentashon, dos sèt di kansion i tambe na final dje anochi por a mira e videoclip ku a keda produsí. Naomi mes tabata super satisfecho na final dje anochi na momentu ku ‘DEN E BEMBE’ a kombersá kuné. ‘Dos siman di preparashon intensivo pa por a logra loke ku ta keda presentá awe nochi”, asina Naomi a kuminsá splika. E disko kompakto konteniendo e piesa ‘Joy’ entrante awe lo ta disponibel na diskobarnan lokal. Kumpra e CD i kontribuí ku Naomi pa e por kaba di realisá su produkshon musikal, CD kompletu. Riba fotonan ku ta kompañá e artíkulo bo por apresiá e presentashon di Naomi su ‘Joy # Dushi Feeling’.