WILLEMSTAD.- Despues di algun tempu kaminda el a dediká su mes na krea su ‘brand’, empresa i karera, Naomi tei bèk ku un kansion titulá ‘Laga mi tene bo’.
Un kansion di amor ku e ritmo di kizomba dediká na su kasá, Michael.
‘ E ta loko ku e ritmo di kizomba i ma pensa kiko mas mihó ku honr’é dor di komponé un kansion den e género musikal ku e gusta. Konsientemente mi a komponé e kansion na Papiamentu, debí ku esaki ta e idioma den kua nos amor ta brota’.
Naomi mes a komponé letra i melodia, Url Isenia i Oscar Bor a produsí e kansion i Sean Cannister a mix i master e kansion. ‘Island Harmony’, konformá pa Esther Silvanie i Chenevienne Provence - de Paula tabata e koristanan.