MADRID, SPAÑA (AFP).- Kuater narkotrafikante kolombiano dilanti di kosta di Spaña a senk nan supmarino i e karga ku esaki tabatin, despues di a keda lokalisá pa agentenan di duana.
E tripulantenan a keda reskatá pa duaneronan despues ku di forma intenshonal nan a senk e supmarino na 500 km for di kosta zùit di Spaña, segun e dokumento ku a keda trahá.
E agentenan ku tabata patruyá riba laman riba djamars a señalá e boto di 20 meter, un tipo di “narko embarkashon” kada bes mas i mas usá pa trafikantenan, kendenan ta usa tur nan kreatividat pa haña formanan pa transportá droga.
Ora ku e boto di duana a aserká e boto, e kuater tripulantenan a habri e parti abou miéntras ku nan mes a sali ariba. “E boto a hundi den algun minüt i huntu kuné e kargamentu. “E kuater tripulantenan kolombiano a keda reskatá i detené”, segun ta bisa den un komunikado.
Spaña ta un dje prinsipal puntonan di entrada di droga na Europa, debí na su relashon estrecho ku Latinoamérika i e echo ku e pais ta hopi serka di Maroko.
