CAPE CAÑAVERAL, FLORIDA, MERKA, AP.- NASA a retirá un astronouta di un próksimo mishon espasial, un medida inusual na momentu ku no falta masha tempu pa e lansamentu. E astronouta Jeanette Epps, kende mester a sali na komienso di yüni, lo tabata e promé dama koló skur pa pasa un temporada den e Stashon Espasial Internashonal.
NASA a anunsiá djaweps anochi ku lo retirá Epps di e mishon, pero no a splika e motibu. Su suplente a wòrdu remplasá, kende ta Serena Aunon-Chancelor.
Epps ta regresando Houston desde Rusia, kaminda e tabata entrená ku un aleman i un ruso. E bosero di NASA, Brandi Dean, a b isa djabièrnè ku e desishon tabata di NASA, no di e Agensia Espasial Ruso.
Atronoutanan afroamerikano a baha pa e Stashon Espasial, pero Epps lo tabata e promé pa pasa un tempu akinan. NASA asign’é na e mishon mas di un aña kaba.
