WILLEMSTAD.- Dilanti di un públiko bon animá Coridja Stars Producion, a koroná  srta Nashaira Balentien komo Miss Kòrsou 2017 ku próksimamente lo representá Kòrsou na Miss Universe i srta Liane Bonofacia komo su Promé Finalista ku lo representá Kòrsou pa promé biaha na Ecuador den e sertámen Miss Continentes Unidos.
Na inisio di e atardi titulá ‘Face of Beauty’, direktor di Coridja Stars Productions, Anatefca Isenia-Djaoen a primintí ku e reto pa 2017 aki meskos ku tur e 4 otro edishonnan lo bai ta super elektrisante i Minister di Ekonomia, sr. Steven Martina kende tabatin palabranan di motivashon hopi elokuente na e missnan i e públiko presente.
Coridja Stars a rindi un homenahe na Chanelle de Lau, presentando un kompilashon di e mihó momentunan di su reinado i diferente aktividatnan den kua el a presentá.
Tantu Nashaira komo Liane a dirigí nan mes na e públiko presente miéntras ku Aemy Niafeliz a  deleitá e públiko ku dos di su hitnan.
Awe djaluna 24, Miss Kòrsou 2017 ta sali pa su promé kompromisonan na Ulanda.
Keda pendiente di preparashon i bishitanan di nos embahadornan.