WILLEMSTAD.- Nashaira Balentien, nos representante pa Miss Universe pa 2017 no a logra klasifiká pa e semi final di Miss Universe 2017, pero ta risibí masha bon reakshon. E echo ku e aña aki Miss Universe a disidí ku ta bai skohe finalista for di kada region a pone ku bo mester tin hopi suerte. E region di Amérika tabata esun mas fuerte e aña aki. Pa loke ta trata reakshon, tin diferente Missiologo ku despues dje sertámen a duna nan reakshon i pa nos Nashaira esaki tabata sigur un kòmplimènt di apresiá pa su esfuersonan ku el a hasi pa representá Kòrsou. Un dje ekspertonan di beyesa a traha su mes Tòp 10 di ‘best bodies’ i Nashaira tabata figurá di un forma prominente riba e lista aki. Un kos ta sigur Nashaira tin un tremendo potensial. Eksito!