WILLEMSTAD.- Den kuadro di e di tres edishon Miss Teen International H2O Ambassadors 2017 ku lo tuma lugá dia 7 pa 12 di Novèmber na Kòrsou, IBFF a bin ku un idea pa asina yuda konsientisá nos pueblo mas riba e uso di AWA!
E aña aki pa promé biaha lo otorgá na dos persona ku ta símbolo di ehèmpel pa por yuda e tema prinsipal di e sertámen. Nataly Antonia Petronia, konosido lokutora i presentadó di Televishon i aktualmente direktor di Radio Mas a haña e premio di ‘The Golden Drop’ pa e parti edukashonal, mirando ku Sra. Antonia Petronia ta mama e mensahe ku nos ke hiba ta e importansia pa siña nos yunan e balor di awa i dikon ta importante pa bebe awa.
Ryan de Jongh un persona nada deskonosí den mundu di deporte akuátiko ta kumpli 10 aña re-planta e famoso palu di mangel aki na Kòrsou. Ryan a kibra un rekòr di 300.000 palu di mangel kaminda Kòrsou su bida marítimo ta mas safe pa piska.
Ku esaki IBFF ke pone mas énfasis ku nos ta bendishoná di por tin un awa ku hopi pais no por gosa di dje i ku nos mester ta mas konsiente di kuida loke otronan no tin.