CHINA.- Despues di nan yegada na Sanya, China e 120 beyesanan di rònt mundu kual ta partisipando na e di 68 sertámen di beyesa “Miss World 2018” a wòrdu risibí i yama Bon Bini pa ofisialnan di Gobièrnu di Sanya den un seremonia di apertura ku un ‘Welcome Coctail Party’ hopi ameno.
Djamars, 20 di novèmber último a tuma lugá e kompetensia Miss World Top Model and Designer Award. E ganadó di Miss World Top Model 2018 a resultá e partisipante di Fransia, Maeva Coucke i ta klasifiká outomátikamente den e finalistanan di e sertámen final.
Djárason, 21 di novèmber e partisipantenan huntu ku Manushi Chhillar, Miss World 2017 prosedente di India i tambe miembronan di e organisashon a biaha pa e Isla Hainan kaminda nan a forma parti di e Hainan International Tourism Island Carnival. Den nan trahe típiko,  e partisipantenan a partisipá i selebrá den e parada “Inspired dance on stage”.
Siguiente dia nan ta sigui rumbo pa Haikou kaminda nan ta huéspet pa un siman den e luhoso Mission Hills Resort di sinku strea konosí komo “Coconut City”.
Kòrsou su flamante representante Nazira Colastica ya pa tres siman ta kosechando hopi éksito na China i ta pone Kòrsou su nòmber resoná en grande.
E organisashon a anunsiá ku Miss World 2018 Head-to-Head Challenge a start i nos por kuminsá vota pa nos Miss Curaçao World Nazira Colastica. E ganadó di e kompetensia aki, tambe lo klasifiká outomátikamente den e finalistanan di e sertámen final. Pa por vota por hasi esaki di e siguiente manera nan:
Like su Miss World Contestant Facebook Page www.facebook.com/Miss-World-Curacao

Wèpsait di Miss World – https://missworld.com/#/contestants Click e link, click e nos partisipante i click VOTE

Like i komentá riba su potrèt riba su MobStar account

Model Power Live https://nsvote.onemyair.com/e/?id=1 click e link, click nos partisipante i click like.