WILLEMSTAD.- Ayera tardi a tuma lugá e gran final di ‘Strea Chiki’ den sala di International School na Emmastad.
Un públiko grandi a yega e sala i disfrutá di un tremendo show ku e hóbennan finalista a presentá den kanto, baile i instrumento musikal.

PREMIASHON
Pa premio estímulo tabatin un empate entre Angely Francisco i ‘AJ Brothers’. Darlisha Valks a resultá e partisipante ‘Mas Popular’; Nazjir Isenia a bai ke premio pa ganadó di ‘Instrumento Musikal’.
Den baile e promé finalista a resultá ‘Dancing Diva’s’ i e ganadó den e kategoria di baile a bai pa ‘Little Curaçao Stars’.
Pa e sekshon di kanto Dante Marcano a resultá e di dos finalista; Darlisha Valks e promé finalista i Sebastian Salgado e ganadó di kanto.
E ‘Overall Winner’ di tur talento a resultá ‘Nazjir Isenia’.