WILLEMSTAD.- Awe, djamars 12 di Novèmber 2019, lo tin un konsierto grátis di e tremendo Saksofonista Nelson Braveheart and the Funk Chronicles, huntu ku e tremendo kantante lokal Tony “T’nice” Worrell.
NELSON BRAVEHEART
Nelson Braveheart, e frontman di e banda. E ta un persona sumamente musikal. E ta toka saksofon, kanta, baila i ta kompositá su mes kansionnan. Resientemente el a representá Kòrsou den "The Voice of Holland. Pues ta un shou ku bo no por pèrdè!!
KONSTELASHON
E agrupashon musikal ta konsistí di: Rensley Pinedo (bas), Harry Jansen (drùms), Danrell Goeloe (keys), Jennifer Middelhof ( vocals), Gwendoline Worrell (vocals), David Koeiers ( vocals) i Titania Willems (vocals).
GRATIS
Entrada pa e tremendo konsierto aki ta kompletamente grátis. No tin karchi. Djis yega subi i disfrutá di e tremendo show aki. Tur ku a yega di mira shou riba Freewinds, sa kon esaki ta bai.
Awe di 8.00 pa 9.30 konsierto grátis riba Freewinds. Porta ta habri for di 7.30. No pèrdè e oportunidat aki. Bin disfrutá di un shou fantástiko i energétiko!