WILLEMSTAD.- Un nèshi di abeha ku tabata un motibu di preokupashon e último añanan riba ruta di Karnaval a keda eliminá den wikènt ku ta tras di lomba. E hóben imker, Jurick Phelipa i un kolega a bai un área na Marchena i despues di a lucha un ratu ku e nèshi di abeha ku tabata den un tronkon di palu nan a logra pa bora, desinfektá i fumigá pa dje forma ei por a eliminá e problema dje nèshi. Riba foto momentu ku tabata sakando e honing for dje palu i boramentu dje tronkon di palu pa por kuminsá desinfektá i fumigá.