NEW YORK, AP.- Sobrebibientenan i otro personanan lo reuní den episentro di un atentado kruel pa rendi homenahe na víktimanan di e promé atake terorista kontra World Trade Center 25 aña pasa.
Ayera tabata e aniversario di e echonan aki, kaminda un kantidat di persona a pèrdè nan bida, un di nan tabata un dama na estado i mas di 1.000 a resultá leshoná.
E konmemorashon ta inkluí un misa den un iglesia serka den e sentro komersial i un seremonia den e plaza di monumento kontra pa e atentadonan di 11 di sèptèmber 2001, kaminda ta lesa nòmber di e víktimanan di e atake di 1993 i ta tuma un minüt di silensio 12:18, na momentu ku e bòm a eksplotá.
“Ounke e echonan di 11 di sèptèmber ta tapa esaki, e eksploshon di 1993 a representá un momentu krusial den historia di World Trade Center, den historia di e Siudat di New York, i nos propio reglamentu di kuenta komo e nashon di terorismo den e era di globalisashon”, asina e presidente di e museo 11 di sèptèmber, Alice Greenwald, a indiká. Su institushon tin un muestra permanente riba e atentado i un instalashon spesial pa konmemorá e aniversario.
