NEW YORK, USA (AFP).- Shirley Chisholm tabata e promé hende muhé di koló i e promé afroamerikano ku a purba yega na presidensia di Merka: Shirley Chisholm lo a kumplí 100 aña den novèmber i tabata un inspirashon p’esnan prosedente di minoria drenta polítiko, manera ta e kaso ku e aktual visepresidente Kamala Harris.
Na momento ku falta ménos ku sinku luna pa e elekshonnan presidensial, e museo di e siudat di New York ta rindi homenahe na Chisholm, nasé 30 di novèmber di 1924 den Brooklyn, yu di mayornan karibense kende a fayesé 1 di yanüari di 2005. El a marka e demokrasia norteamerikano di añanan 1960-1970.
“Nos ta den e aña di elekshon i e ta un hende ku ta laga nos kòrda kiko ta demokrasia i kiko nos por i mester hasi”, segun Zinga Fraser, universitario i un dje komisarionan di e eksposishon kambiando e kara di demokrasia: Shirley Chisholm ta kumpli 100 aña”.
Dia 30 di novèmber di 2020, Harris, ku a kaba di keda eligí visepresidente di Biden, a tuma e título dje buki i ‘slogan’ di kampaña “Unbought and Unbossed” di e figura aki di iskierda, di koló skur, ku den 1968 a drenta Senado na Washington i despues a presentá den e preelekshon di Partido Demokrat pa elekshonnan presidensial di 1972.
Segun statistik di Center for American Women and Politics, aktualmente tin 28 hende muhé di koló di e 125 den Kámara di Representantenan (di un total di 435 representante) i solamente un den Senado (di 100 senador, 25 ta muhé).
