MERKA.- ‘Mi ta bai ku penshun i kuminsá un famia. Mi sa ku boso ta kontentu awor’, asina Nicki Minaj a anunsiá ayera ku un mensahe riba Twitter.
Resientemente Minaj a kasa ku su amigu Kenneth Petty. E pareha no tin yu ainda, pero e kantante a duna di konosé ku e ke bira mama.
Durante su karera el a kolaborá ku diferente artista, manera Rihanna, David Guetta, Beyonce, Ariana Grande i Madonna.
Segun Forbes e fortuna di Minaj ta kalkulá na 85 mion dòler. Na komienso dje aña aki el a bira e promé rapper femenino pa logra bende mas ku 100 mion albùm.
Dies biaha el a keda nominá pa Grammy i na 2017 el a imponé un rèkòrt riba ‘Guinness World Record’ na momentu ku el a kibra e rèkòrt di mas kansion riba Billboard Top 100 dor di un artista solista femenino.