MERKA.-  E kantantenan di reggaeton, Nicky Jam i J Balvin ta sigui dominá retnan sosial ku nan kansion ‘X’, ku tin mas di 160 mion ‘views’ riba YouTube i den kua ámbos a sorprendé ku un baile simpátiko.
Un siman despues dje lansamentu dje video, e portorikeño, Nicky Jam a hasi un petishon na e kompania di aviashon ‘Air Europa’ pa nan dun’é un avion di bèrdat, refiriendo na e avion ‘pirata’ ku ta aparesé na final dje video riba kua tin nòmber di ámbos artista imprimí riba e parti pafó dje avion.
‘Air Europa’ a respondé djárason tras di lomba ku nan ta aseptá e reto, pero ku un kondishon, e mensahe mester keda kompartí mas ku 100 mil biaha riba retnan sosial.
Te ku awor e mensahe a surpasá mas ku 240 mil likes riba Instagram.
E baile di e artistanan tambe a bira un sensashon na momentu ku míles di siguidó a kompartí nan vershon dje baile den e reto di ‘X Challenge’.