WILLEMSTAD.- Awe ta fecha di e entiero di Nildo Martis na Ulanda. Komo un homenahe póstumo ‘DEN E BEMBE’ ke kompartí ku nos lektornan awe un biografia musikal di Nildo ‘Mr Honing’ Martis ku a keda produsí pa Patrick Martijn, produktor di ‘Nos Tesoro’.
Biografia musikal di Nildo "Mr Honing" Martis
Promé presentashon den públiko Theater Roxy Festival Di Tumba 1973 "Un Tabla Lo Bula" Conjunto San Jose.
Promé disko grabá na 1973 ku Estrellas Del Caribe "Ata Pabo Ki"
1974 Nildo a graba un disko 45 ku Boeli Sound (Sexy/Gloria)
Na 1975 Blue Swinning Combo/Sentimental Combo/Combo Super Sonico a forma bira Grupo 3 pa graba 5 disko 45 ku Nildo Martis.
Despues graba 1 longplay na 1976 ku mega hit "Mayori" i hasi nan un di e gruponan mas popular aki na Kòrsou i den Antillas.
Na 1977 ko fundador di La Perfecta di kual el a militá te ku 1983. Nildo a figura riba 8 longplay i 2 disko 45 ku e ‘Machonan Kumplidó’ ta nòmber di kariño di La Perfecta.
Na 1983/1986 ko fundador di EENICA "Estrellas Esclusivo Nildo i Cafe" Cafe ta para pa Win Coffie kende el a militá kuné den Grupo 3 i La Perfecta. 2 longplay i 1 disko 45
Na 1986/1988 fundador di INN "Indiskutible Na Nota" agrupashon di algun hóben talentoso e.o Albertico Libiee, Urvin Jano, Michael Sambre, Carlos Sambre i otronan. 2 longplay
Nildo a militá na 1990 den agrupashon musikal Grupo NOS i a partisipá riba 1 cd.
Na Hulanda Nildo a figura ku 2 kansion riba e cd di All Stars na aña 2001.
Kansionnan mas konosí: Paloma; Ban Destrai; Mayori; Den bo tayo i Mal komportamiento.
Nildo a klasifiká na 22 okashon den Festival Di Tumba.
Premiashon: 2 finalista 1997 "Hisa Buta Opzij"; 5 finalista 1998 "Ei bou ta Kòrsou";
4 finalista 1999 "Ban Mustra Mundu" i 8 finalista 2000 " Deseo Di Pueblo"
Na 2005 AMAK a dediká festival di tumba na Nildo Martis.
Kantante i kompositor ku mas di 200 komposishon inkluso tumbanan di karnaval.
Nildo Martis a trese Eddie Rosario i Jesus "Chu" Martinez for di St. Domingo pa bin militá den La Perfecta. Mr Honing òf Siwa lo keda rekordá pa su dicho "Até pueblo ta gosa, lag'é gosa"