KRALENDIJK — Djaluna
mèrdia dos empleado di
Maduro & Curiel’s Bank
Bonairu (MCBB), a bai hòspital
pa sera konosí ku e promé yu
di aña 2017.
Shantelie Paredes riba e
promé dia di aña, binti pa
diesun di anochi, a duna lus
na un yu muhé i a dun’é e
nòmber Niösha. Tantu e mama
i e tata Shadryon, ta masha
kontentu ku nan prinsesa.
Den presensia di prensa
zùsternan di Fundashon
Mariadal i algun persona mas,
Cherethy Kirindongo di MCB a
hasi entrega di e pakete na e
famia di e beibi.
Zùsternan di hòspital na
nòmber di Fundashon
Mariadal, tambe a entregá e
famia un pakete. Tur a deseá e
mama i tata hopi bendishon pa
nan yu i pa nan kuid’é ku amor
pa e krese den un dushi
kompania.
Fecha di nasementu ta 1-1-
2017, ora 22:23, peso 2750
gram, largura òf grandura di e
beibi 46.