WILLEMSTAD.- Nkira Chippendale no ta un deskonosí den farándula di Kòrsou, aktualmente formando parti di e agrupashon Axel & Friends i tambe parti di e urban supergroup, “SQUAD”.
Den 2016 Nkira a lansa su promé single ‘Beter’ ku a move hopi bon pe.
Huntu ku un dje produktornan mas pidí, Gudda Getamilli, Nkira a drenta den studio di grabashon i a traha duru riba e produkshon musikal aki.
E kansion aki ta un fushon di R&B i Trap, i tin un flow hopi dushi kuné. E ta produsí pa Gudda Getamilli, produktor di e hitnan “Sin Stress”, “Kaya ta hot” i “Mane mi ke” e.
“123” a kuminsá zona na radio kaba i ‘QD’ Navarro ta trahando riba e produkshon di un videoclip pa e kansion aki.