Polis a hasi algun detenshon kaba

ORANJESTAD.-Awe nochi e medida di ‘toque de queda’ a drenta na vigor na hermana isla Aruba. Esaki ta relashoná ku Corona vírus ku ta afektando komunidat di Aruba. Prome minister Evelyn Wever-Croes a anunsiá awe ku e kantidat di hendenan infektá ku e vírus a subi di 5 pa 8. Ta trata di hendenan lokal ku ta infektá. Segun e prome minister, ta trata di hendenan lokal ku a bini di eksterior of posiblemente ku a keda infektá lokalmente.

Pa loke ta trata e medida di ‘toque de queda’ polis di Aruba ta informá ku ya kaba detenshon a kai. E medida a kuminsá 9’or di anochi i ta dura te 6’or di mainta. Polis di Aruba ta keda hasi apelashon pa keda paden. Tin but di 10 mil florin a hendenan ku poli s topa riba kaya.