WILLEMSTAD.- Djabièrnè 24 di ougùstùs Noah (Nohealani Riedel) di 11 aña di edat a ‘upload’ su promé kantika original riba YouTube. El a hasi esaki huntu ku un grupo di su amigunan di skol i algun miembro di famia.
Noah ta kompositor i alabes areglista di e kansion ‘Heart Beat’. El a skirbi e letranan for di dia e tabatin 10 aña i aworakí, un aña despues, e tin mas ku 35 komposishon skibí.
Noah ta konta ku for di chikí e tabata gusta muzik i for di dia ku e tabata sa kiko ta un “popstar” e tabata sa ku ta esei e ke bira. El a kuminsá skibi kantika for di dia e tabatin 6 aña i tabata purba di pone muzik riba nan ku e tiki ku e tabata sa di piano. Sigun tempu ta pasa e a siña mas di piano i awor e ta usa piano pa traha e melodianan pa su kantikanan. Banda di piano e ta toka fio i ukulele. E ta gusta skibi kuenta i buki, lesa buki i tambe hunga futbòl.

Noah ke pa hopi hende siguié, like i ‘subscribe’ na su YouTube channel: ‘Noah Lion’.