WILLEMSTAD.- Pharon A. Pilgrim mihó konosí komo FireOn, ta un artista relativamente hóben ku a drenta den e mundu di farándula den e kategoria di Urbano den aña 2017. FireOn ta tantu un kantante/rapper/ i un kompositor. El a debutá aña pasá 2017 ku su kantika di mama kual ta un balada ku sigur sigur a pega na radio i kanalnan di televishon. FireOn su mishon semper tabata pa inspirá e hubentut pa medio di su músika, pa asina kambia e kultura ku nos ta bibando aden. Ta p’esei mes e ta komponé su kansionnan basá riba situashonnan di bida pa asina esnan ku skucha su tracknan por relatá kuné. 2017 tabata un aña remarkabel pa Pharon “FireOn” Pilgrim debí ku el a wòrdu nombrá komo artista maskulino nobo di aña 2017 na Radio Mas i Most Outstanding Figure of 2017 na ku kada hende sa pasa den dje. FireOn aktualmente ta na Merka studiando, pero un djis lo e ta na Kòrsou. Despues di su promé  single “Mama”, a sigui “Imperfekto” i “Sin Bo”. Awe FireOn lo saka su di kuater single titulá “Miserikòrdia”. E nifikashon di e kantika aki ta ku nos komo hende ta imperfekto. Mayoria biaha nos ta tuma desishonnan ku na promé instante ta mustra esun korekto, pero despues ta bin sali na kla ku ta lo kontrario. I ta Dios so por pordoná nos i hasi nos liber di tur kos malu ora nos sklama na dje. Por sigui FireOn riba retnan sosial manera Instagram, Facebook, Soundcloud i Youtube bou di e nòmber Fireonofficialcw. Pa tuma kontakto por aserka Darwin Borgschot òf retnan sosial di Fireon.