WILLEMSTAD.- E nochi di premiashon di FFK definitivamente ta tuma lugá dia 6 di yanüari 2017. T’asina ku último añanan aki e federashon di futbòl di Kòrsou FFK na final di aña a tene su nochi di premiashon.

E  aña aki sinembargo FFK a disidí pa tene e anochi di premiashon aki riba un otro fecha ku ta dia 6 di yanüari próksimo esta djabièrnè awor.

E motibu prinsipal di e kambio aki ta segun nos a keda informá, p’asina por konta ku presensia di tur hende ku ta invitá na e anochi di premiashon aki.

Den pasado hopi biaha diferente invitado no por a yega na e anochi di premiashon aki pa motibu di otro kompromisonan relashoná ku fin di aña. Awor e anochi a keda pone riba un fecha ku ta duna espasio pa tur ku ta invitá hasi akto di presensia.

Nominadonan pa e anochi aki:

Nos a komprondé ku tin komo 10 kategoria ku ta bai keda premiá e anochi aki di kual unu ya ta konosí ku ta esun di Mihó Goliadó. Sobra kategorianan, e nominadonan ta konosí pero ku e ganadó lo keda anunsiá dia di e premiashon.

“Dirigente Atministrativo di aña “

Nominadonan ta:  Leo Davelaar(Victory Boys);   Gregory Djaoen (Skèrpènè);        Johanneke Schelling (Dominguito)

“Dirigente Tékniko di aña “

Nominadonan ta: Lennox Maurits(Jong Holland); Kenneth Bernabela (Skèrpènè);        Ingemar Pieternella (Dominguito)

“Wes di aña”

Nominadonan ta:   Juniel Adelina; Mike v.d.Sande i Sam Hye

“Nobato di aña”

Nominadonan ta:    Georginio Ascencion (Skèrpènè);               Dean Lourensz(CSD Barber); Sharlion Nivillac (Dominguito)

“ Mihó Goliadó”

Jurensley “Enchi” Martina (CSDBarber)

“Mihó Kiper di aña”

Nominadonan ta:   Jarzinho Pieter (Dominguito);         Gino Costina (Hubentud Fortuna); David Gaviria (Jong Holland)

“Mihó Futbolista di aña”

Nominadonan ta: Christopher Isenia (CSDBarber); Ashar Bernardus (Dominguito);                 Nicolas Rocha Gomez (Skèrpènè)

Tambe nos a komprondé ku ta e intenshon pa premia e ekipo mihó disipliná di aña (Fair Play Cup); tambe un premio Estímulo i finalmente e “Ekipo di Aña”.     Pues na tur 10 kategoria.                     Mundu Deportivo EXTRA ta bai keda pendiente di e anochi di premiashon aki di  FFK p’asina nos informá nos lektornan ken a bira e ganadónan.