WILLEMSTAD.- ‘Nos a mira ku aña tras di aña nos no ta para ketu riba relevo. Nos muchanan ta relevo pa Tiner i Marcha Grandi’, asina Juni Aniceta a komentá na momentu ku ‘DEN E BEMBE’ a puntr’e riba e echo ku ta bai organisá un apertura hubenil.
‘Den transkurso di añanan Karnaval Hubenil a bira chikí. Marcha Hubenil a kasi para. Ban kuminsá konsentrá riba nan i motivá ku nan ta e karnavalista di mañan. Duna nan e balor i ku karnaval ta di bo tambe. Nos ta bai focus mas tantu riba nos muchanan. Semper nos a hasi apertura i nos muchanan ta keda kas wak televishon. 2019 ta bai focus riba e muchanan.
Dia 4 di yanüari lo tin e apertura di Karnaval Hubenil. Fundashon JAG ta organisá un jump up grátis pa nos muchanan. Kada grupo ku tin nan paña dje aña aki por partisipá. JAG ta sòru pa tur kos. ‘Nos ta bai hasi un apertura ku trahenan di Karnaval. Lo kuminsá ku e marcha na Plasa Hariri i bai terminá na Sambil. Na Sambil lo tin e parti protokòl ku na final un show di vürwèrk pa e muchanan’, Juni Aniceta a terminá splikando.