WILLEMSTAD.- Djadumingu atardi na ‘Déjà vu’ den Pietermaai a tuma lugá e presentashon na prensa i invitadonan dje banda nobo ‘NOVA’.
NOVA ta un agrupashon musikal ku ta bai trese un variashon den farándula tokando músika di tur género i riba nivel.
NOVA su fundeshi ta e ritmo di pueblo kual ta Ritmo Kombiná, pero e repertorio ta varia ku entre otro Soul, Merengue, Reggae, Bachata, Funk etc., p’asina deleitá tur gremio ku variashon.
NOVA tin un repertorio diferente i varia pa krea e ambiente nesesario durante di tur tipo di fiesta, selebrashon di kompania, kasamentu i konforme e deseo di kliente.
NOVA ta pendiente pa drenta studio di grabashon pa dje forma ei produsí algun produkshon musikal. Ku NOVA tur hende lo sinti nan un strea. “It’s time to shine...NOVA”.
Riba potrètnan nos por apresiá NOVA durante di su presentashon ayera i tambe e kuater kantantenan ku ta forma e front di NOVA.