WILLEMSTAD.- Ayera nochi ‘DEN E BEMBE’ a risibí e lista di numerashon di gruponan ku ta partisipá na nos marchanan di Karnaval.

Despues ku siman pasá tabatin e aktividat di AGKK kaminda gruponan a saka nan numerashon, nos a laga nan kaba di deliberá pa dje forma ei awe saka e lista di numerashon ku AGKK ta bai manehá pa e Marcha Hubenil, Marcha di Tiner i Gran Marcha di Karnaval.

Great pa tuma nota ku Marcha Hubenil i Marcha di Tiner a krese na partisipashon di gruponan.

E echo ku nos tin algun individual den Gran Marcha tambe ta un punto positivo mirando ku praktikamente durante dje último añanan no tabatin individual partisipando.

Ta interesante pa wak e numerashon di gruponan i tambe e repartishon di bandanan sigur den Gran Marcha kaminda den mei mei dje marcha pa final dje marcha lo tin e bandanan di mas grandi kompañando e gruponan di Karnaval. Tira un bista ya bo sa unda bo grupo ta.