MERKA.- Resientemente durante di un entrevista e konosido O.J. Simpson a reakshoná durante un entrevista riba e rumornan ku tin basta tempu riba ròndu ku e lo ta e tata biológiko di Khloe Kardashian. E deportista hubilá a ninga e akusashonnan aki.
E tata di Khloe, Robert Kardashian i su mama, Kris tabata bon konosí di O.J. i su kasá, Nicole kende na 1994 a keda asesiná.
O.J. a keda demandá pa asesinato, miéntras ku Robert Kardashian tabata forma parti dje tim di abogado di Simpson.
Na momentu ku algun aña despues famia Kardashian a bin den publisidat ku e serie ‘Keeping Up with The Kardashians’, e rumornan a bolbe lanta riba Khloe Kardashian, kende ta muchu mas haltu ku su rumannan Kourthney i Kim. E spekulashon kontinuo aki tabata e resultado di un ‘affair’ entre Kris Kardashian i Simpson.
Ayera e portal di farándula TMZ a publiká un video kaminda un reportero ta puntra Simpson si e mester felisit’é ku e embaraso di Khloe. Riba esaki Simpson a kontest’é ku palabranan masha bunita den direkshon di e rumannan Kardashian i enfatisando na final ku e no tin nada di aber ku esaki.