WASHINGTON, AP.- Eks presidente Barack Obama tin plania di invitá lidernan síviko na Chicago otro luna pa purba interkambiá di idea i hasi plan pa resolvé algun di e problemanan komun na mundu.
Obama a hasi e anunsio djárason den un video i mensahe elektróniko ku el a manda na simpatisadónan di Fundashon Obama.
E eks presidente a bisa ku e promé Kumbre di Fundashon Obama ta bai wòrdu realisá dia 31 di òktober pa promé di novèmber i lo sòru pa reuní “sentenar di lidernan rònt mundu pa un interkambio práktiko di idea”.
El a agregá ku e ta spera ku e partisipantenan por siña un ke otro, i despues regresá na nan komunidatnan i asina dirigí otro”.
E fundashon lo tin dianan di kapasitashon pa hóben, ku temanan tokante kon pa pone “sivismo” den akshon.
Obama a anunsiá un programa di beka di dos aña.
