Ocho kandidata ta kompetí awe pa título Reina di Futbòl

Deporte

WILLEMSTAD.- Kandidatanan pa e sertámen Reina di Futbòl ta den nan siman final di preparashon pa e elekshon ku lo tuma lugá di forma virtual riba djadumingu 25 di òktober benidero pa 19:30 or na vèlt di FFK. E organisashon enkabesá pa sra. Corinne Djaoen ta konta ku ocho kandidata den representashon di igual kantidat di ekipo.
E manera ku a sertámen ta tuma lugá sigur ta un novum. E evento ta keda grabá djadumingu awor i un kuerpo di hurado lo evaluá e kandidatanan. Dia 1e di novèmber e konkurso lo pasa na televishon Direct pa 9 or di anochi.
Mester remarká ku ta despues di hopi aña tin un sertámen pa reina di un federashon di deporte. Den pasado FDOK (ántes: CSF) tabatin e sertámen di Reina di Deporte, ku tabata konta ku representante dje diferente federashonnan di deporte.