NEW YORK, AP.- Un hòmber ku tabata manehá un trùk di hür a dal kontra vários persona ku tabata sirkulá riba kaminda pa baiskel serka di e monumento di World Trade Center. Esaki a mata por lo ménos ocho persona i a laga vários heridá. Outoridat ta señalá esaki komo un posibel atake terorista.
E shofùr, di 29 aña, a wòrdu tira pa polis despues di a sali di e vehíkulo ku algun pistol falsu den su man, segun outoridat. E sospechoso a wòrdu detené i su estado di salú no a wòrdu revelá.
Testigunan a deskribí e esena di pániko i sanger. Tabatin vários persona gritando, por a mira kurpanan i baiskelnan destruí riba e kaya.
Ademas di esnan ku a fayesé, 11 persona a resultá gravemente heridá, segun indikashon di polis.