WILLEMSTAD.- Wikènt ku ta tras di lomba tabatin e estreno di e obra humorístiko titulá ‘Oh Mama, bo ta haña kastigu’ den Because Entertainment Center.
Tantu djabièrnè komo djasabra e sala tabata yen yen. Tur hende a hari i gosa un bòl i bai kas ku un tremendo mensahe.
Djadumingu awor, 4 di novèmber 2018 e obra lo keda presentá den Theater Zuidplein na Rotterdam, Ulanda.
E eskritornan dje obra, Vader Volk i Oompie Stroopie ta gradisí pueblo di Kòrsou pa e gran sosten. Riba foto nos por apresiá e elenko dje obra huntu ku e tim di produkshon.
Potrèt pa kortesia di Lindomar Henrietta, www.eso-cur.com