WILLEMSTAD.- Un ratu pasa a tuma lugá un entrada hudisial na e kompania KPMG aki na Kòrsou, esei bosero di Ministerio Públiko a konfirmá pa EXTRA. Ta trata di un entrada hudisial di Team Bestrijding Ondermijning (TBO). Manera indiká pues tabata TBO den kombinashon ku RST ku a tene e entrada hudisial.
E bosero di Ministerio Públiko Norman Serphos solamente por a konfirmá ku ta TBO a tene e entrada hudisial pero no por a duna mas informashon. EXTRA a sigui hasi investigashon riba e kaso aki i a bin komprondé ku ta trata di un investigashon relashoná ku un kaso bastante serio. Ta premirá ku e investigashon di e kaso aki lo kondusí na un kaso grandi. Asina tin mas detaye EXTRA lo informá di esei.
E tim TBO ta hasi investigashonnan ora ta trata kasonan di krímen organisá bou di kua por pensa riba krímennan di kòl blanku, labamentu di plaka, strukturanan pa kriminalidat i hopi mas. Pa e motibu ei den Reino ta dedikando hopi atenshon na e tipo aki di kriminalidat. Na Ulanda por ehèmpel e gabinete a pone 100 mion euro èkstra disponibel pa ataka e tipo di kriminalidat aki.