MEXICO, AP.- E komishon nashonal di derechinan humano a pidi ayera e intervenshon di vários representante di Nashonnan Uní i di e komishon Interamerikano di derechinan humano DIDH pa vigilá i si ta nesesario tuma medidanan pa ku e maneho nobo migratorio di Merka.

Ombudsman nashonal Luis Rau; Gonzales Perez a manda kartanan pa tres representante di ONU i un pa CIDH den kual e ta mustra su preokupashon pa e inisiativanan nobo di presidente Donald Trump ku por pone na rísiko e derechinan básiko di e migrantenan manera garantia di proseso ora nan keda evaluá pa nan situashon hurídiko òf ora keda e pais òf no.

Segun e splikashon di e komishon den un komunikado, Gonzales tin miedu ku e maneho di e republikano, ademas di trese instabilidat sosial i ekonómiko den e region, e por sòru pa violashon di derechinan humano di miónes di persona ku ta biba na Merka di forma iregular òf di esnan ku ta trafiká den nort di e pais.

tambe e ta alertá pa un posibel kriminalidat di e migrantenan ku por sòru pa un oumento di violensia kontra di nan.

I p'esei ta pidi e representantenan pa vigilá e outoridatnan migratorio di Merka pa nan kumpli ku e derechinan humano di e pais ku nan tin kompromiso kuné.

Canada ta duna pèrmit temporal pa esnan perhudiká pa e plan di Trump

TORONTO, AP.- Canada ta duna pèrmit temporal di residensia na vários biahero ku keda perhudiká na momentu ku nan drenta e pais, esaki debí na e òrdu di presidente merikano Donald Trump di prohibí e entrada na biaheronan ku ta bin di shete nashon mayoria musulman, asina e minister di imigrashon a informá.

Ahmed Hussen un refugiado somalí ku resientemente a keda nombra minister di imigrashon di Canada, a bisa ku aktualmente e ta pega na airopuerto kanadiense debí na e prohibishon.

Hussen a agregá ku e funshonario di Kas Blanku a ofresé garantia di ku residentenan kanades permanente por drenta Merka si nan por tin un tarheta bálido di residente di Canada i un pasaporte di un di e nashonnan afektá pa òrdu ehekutivo di Trump.

E residentenan permanente di Canada ta ekivalente na e poseedó nan na Merka di un tarheta bèrdè òf Green Card. E personanan ku dòbel siudadania i pasaporte kanadiense por drenta Merka.

Daniel Jean asesor di seguridat nashonal di Canada a bisa ku e no ta kere ku e prohibishon  lo hasi mundu mas sigur.