STOCKHOLM, SUESIA, AFP.- Oumento di kasonan di OMICRON rònt mundu por oumentá riesgo di aparishon di variantenan nobo mas peligroso, segun indikashon di Organisashon Mundial di Salú djamars.

Ounke OMICRON ta ekstendiendo rápidamente rònt mundu, e ta ménos grave ku loke a teme i ta duna speransa ku pronto lo superá e pandemia di Corona vírus.

Sin embargo, e hefe di emergensia di OMS, Catherine Smallwood a bisa na AFP ku e oumento di tasanan di infekshon por kousa un efekto kontrali.

“Segun OMICRON plama, i transmití i réplika”, e probabilidatnan pa generá un variante nobo tambe ta oumentá, asina Smallwood a bisa.

Europa a registrá mas di un mion kaso di COVID desde komienso di e pandemia i mas di sinku mion kaso nobo den e último siman di 2021. “Nos ta den un fase peligroso, nos ta mirando un oumento signifikante den wèst Europa i nos no sa ki impakto esaki lo tin”, asina el a agregá.