WILLEMSTAD.- Nan ensayonan ta tumando lugá serka Leo na Koraal Specht i ayera nochi nos a pasa pa tira un bista. E banda lo kompañá Dibo Doran, Furgell Wijngaarden, Jimmy the Kid, Maarten Schakel i Niata Augusta. E kompositornan ta Dibo Doran, e kombinashon di Marvin Snijders i Ingemar Pietersz; Tula Bernadina, Farley Lourens i Gibi Doran. Randal Corsen tin 4 dje areglonan na su enkargo i e di 5 e ta kompartí e areglo ku ‘Titi’ de Palm. Un nota chistoso di ONE Flavaz ta título dje tuma di Maarten Schakel ku ta ‘Pas je maar aan’, ku ta loke e organisadó di Ponton Festival a kontesta Maarten durante di un rueda di prensa na momentu ku Maarten a hasie un pregunta. E sekshon di brass di ONE a kuminsá ensayá e piesanan ayera nochi i riba foto por apresiá algun momentu durante dje ensayo.