WILLEMSTAD.- E agrupashon musikal ONE a bolbe lansa un produkshon musikal riba merkado.
E banda ku den front tin Dibo Doran, Gilmar Fraites, Johnny Blaze i Kendrick Maxwell no ta den masha publisidat, pero nan a sigui traha i ta produsí ‘Ay Ay Aih’, un komposishon di Kendrick Maxwell i Dibo Doran.
Dibo tabatin e parti di areglo i produkshon na su enkargo miéntras ku Michael Bianchi ta esun ku a hasi e mixing pa e kansion aki.
Ya e piesa nobo di ONE ta zonando na radio i e banda ta den espektativa pa sigui produsí mas éksito. Disfrutá di dje i manera ONE mes a pidi kompartí nan músika. Keda pendiente pa mas di ONE!.