WILLEMSTAD.- Ta na punt'i kabuya bieu tin ku konopá e nobo! ONE Flavaz ta un di e agrupashonnan musikal di mas hóben na eksistensia i edat den farándula di Kòrsou, pero esei no ta kita ku no por duna honor i rekonosementu na nos gran baluartenan.
Ta bon pa e hubentut di awor sa kiko Anselmus "Boy" Dap a i ta nifiká pa tumba i músika en general den reino.
ONE Flavaz den forma di un medley ta duna un homenage na nos Tata di Tumba Boy Dap. "Biba Boy", Un sabor di su 10 tumbanan ganador, Re-areglá pa Randal Corsen Produsí pa  Randal Corsen i Dibo Doran. E kantantenan ta:  Furgell, Gilmar, Kedrick i Dibo. Disfrutá di dje : Biba Boy!!  ONE Flavaz