WILLEMSTAD.- Den un seno 'sera' huntu ku su miembronan Crazy Diamonds e skohe e aña aki pa revelá su trahe di 2019 na Curaçao Zoo.
E ta tema ‘Oost West, thuis Best’ ta pa asina duna direkshon ku kua banda ku bo bira e bientu lo indiká bo unda tin karnaval riba Kòrsou.
E trahe ta sumamente kolorido. E kolónan a wòrdu skohé ku nifikashonnan ku nos tur por identifiká.  E blou ta di nos shelu i awa blou ku ta rondoná nos, hel ta nos dushi solo kayente i demas kolónan ta entre otro nos kasnan kolorido i tambe nos sentro di siudat. Komo headpiece, tin e galiña riba e kompas kual ta duna direkshon di nos ‘nort ost pasaat’.
Hende hòmbernan tin dos diferente trahe kual por skohe for di dje i hende muhénan tin tres diferente. Manera semper, por 'mix and match' pa asina e partisipante por sintié na su agrado. Mas ku klaro den sierto liña di direkshon.
Inskripshon ta habrí pa esnan ku ke inskribí i forma parti di karnaval 2019 huntu ku Crazy Diamonds. Pa mas informashon por yama libremente 516-7828 / 562-7299, tambe por sigui Crazy Diamonds via Instagram i Facebook.
Tur partisipante ku ta deseá na hasi uso di oportunidat nan pa rebaha for di nan montante di kontribushon por tuma kontakto via di 516-7828.