WILLEMSTAD.- E aña aki e Kompetensia di Maramentu di Lensu lo tuma lugá dia 31 mart próksimo na Hòfi Fidel.
Lo tin oportunidat pa inskribí na dos dia di  workshop/ tayernan pa por siña tur e téknikanan i haña sufisiente informashon kon pa Mara un Lensu.
Lo tuma un kantidat di 20 persona, ku lo partisipá nan e  workshop/ tayernan i ora ku bo terminá esaki bo mester partisipá na e Kompetensia di Maramentu di Lensu dia 31 mart.
Puntonan pa por partisipá: Mester inskribí na telefòn òf WhatsApp +599 9 679-6057; Un kantidat di 20 persona; Djabièrnè 22 mart lo tin un anochi di Informashon di 7 or pa 9 or anochi na Sentro di Bario Sta. Rosa; Djasabra 23 mart i djadumingu 24 mart lo tin e workshop / tayernan;
Djasabra 9.30 or pa 4 or atardi i djadumingu 9.30 or pa 3 or mèrdia; Sitio lo wòrdu anunsiá despues; Workshop/ tayernan lo ta grátis!; Mester bin ku Mínimo 5 Lensu pa por haña e workshop / tayernan; Instruktornan lo ta Shurendi Pieternella i dos otro Maradó di Lensu i un punto hopi importante ku e workshop ta mara ku na final bo mester partisipá na e Kompetensia di Maramentu di Lensu dia 31 mart 2019. Inskribí mas pronto posibel paso e lugánan ta limitá.